Qazaqstandyq jaǵajaı voleıbolshylary «Samıla Open» Azııalyq týrynan oljaly oraldy
ALMATY. 17 sáýir. QazAqparat - Taılandtyń Songhla qalasynda 14-16 sáýir kúnderi jaǵajaı voleıbolynan «Samıla Oýpen» Azııalyq týry ótti.
Oǵan 14 elden erler arasynda 26, áıelder arasynda 20 komanda qatysqan bolatyn. Aqtyq synda «Avstrııa-1» komandasyna 1:2 esebimen utylǵan Alekseı Sıdorenko men Aleksandr Dıachenko juby - kúmis, Dmıtrıı ıAkovlev pen Alekseı Kýleshov juby qola júldeger atandy. Al Tatıana Mashkova men Irına Tsımbalova qola júlde úshin saıysta «Taıland-1» komandasyna ese jiberip 4-shi oryn alsa, Baqtygúl Samalyqkova men Lıýbov Bogatý 9-shy orynǵa taban tiredi.
Endi el quramasynyń úzdikteri 23-28 sáýir kúnderi Qytaıda ótetin Azııalyq týrda óz baqtaryn synaıdy. Odan keıin 30 sáýir men 5 mamyr kúnderi «Grand Slam» dodasynda el namysyn qorǵaıtyn bolady.
