Qazaqstandyq jaǵajaı voleıbolshylary «Orys qysy» týrnırine qatysady
ALMATY. 24 aqpan. QazAqparat /Erlik Erjanuly/ - Búgin Reseıdiń Anapa qalasynda jaǵajaı voleıbolynan jabyq keshendegi «Orys qysy» týrnıriniń irikteý syndary bastaldy.
Ulttyq quramanyń bas bapkeri Denıs Rovkın bul jarysta el namysyn qorǵaýda erler arasynda Dmıtrıı ıAkovlev pen Alekseı Kýleshovke, al áıelder arasynda Tatıana Mashkova men Irına Tsımbalovaǵa úmit artyp otyr. Qazaqstandyqtar bul dodany negizgi synnan bastaıdy. Jeńimpazdardyń esimi 27 aqpandaǵy aqtyq saıysta belgili bolady. Týrnırdiń jalpy júlde qory 12 myń eýrony quraıdy.
