Qazaqstandyq jaǵajaı voleıbolshylary «Open» dárejesindegi Álemdik týrdyń «Fuzhou Open» jarysynda úzdik ondyqqa endi
ALMATY. 29 sáýir. QazAqparat - Jaǵajaı voleıbolynan Qytaıdyń Fýchjoý qalasynda 23-28 sáýir kúnderi «Open» dárejesindegi Álemdik týrdyń «Fuzhou Open» jarysy ótti.
Onda el quramasynyń úzdigi Alekseı Sıdorenko men Aleksandr Dıachenko 1/8 fınalǵa deıin jetti, toǵyzynshy orynǵa taban tirep, qorjynyna 250 upaı qosty. Al alǵashqy synda súringen Dmıtrıı ıAkovlev pen Alekseı Kýleshov juby bolsa 41-shi oryndy (50 upaı) qanaǵat tutty. Sondaı-aq, áıelder quramasynyń úzdigi Tatıana Mashkova men Irına Tsımbalova 25-shi satydan kórinip, reıtıngtik qorjynyna 150 upaı qosty. Dárejelik raýndta shveıtsarııalyqtardy qapy qaldyrǵan olar toptyq synda "G" tobynda baq synady. Ókinishke oraı, Nıderlandy men Brazılııa sportshylarynan - 0:2, al kanadalyqtardan 1:2 esebimen jeńilip qaldy.
