Qazaqstandyq jaǵajaı voleıbolshylary Qytaıdaǵy jasóspirimder olımpıadasyna qatysý quqyǵyn jeńip aldy
ASTANA. QazAqparat - Jaǵajaı voleıboly boıynsha eki qazaqstandyq komanda tamyzda qytaılyq Nankın qalasynda ótetin jasóspirimder Olımpıadasyna qatysatyn boldy, dep habarlady Qazaqstannyń Voleıbol federatsııasynyń baspasóz qyzmetinen.
"Taılandta ІІ Jasóspirimder Olımpıadalyq oıynynyń irikteý týrnıri ótti. Myqtylar altylyǵyna túsý mindetin alǵa qoıǵan qazaqstandyq jigitter - Sergeı Polışýk pen Egor Dmıtrıev, qyzdar - Ekaterına Lasıýta men Anastasııa Týktareva 17-27 tamyz aralyǵynda Qytaıda ótetin jasóspirimder olımpıadasyna qatysý quqyǵyn jeńip aldy". - delingen habarlamada.
ІІ Jasóspirimder Olımpıadalyq oıyndaryna jaǵajaı voleıboly alǵash ret engizilgeni atap ótilgen. Bolashaq olımpıadashylardyń jasy 15-18 aralyǵyn quraıdy. Qytaıǵa on eki joldama úshin Azııalyq konfederatsııadan 27 komandamen (15-i - jigitter, 12-si - qyzdar) óńirdiń on segiz eli baq synasty. Alty myqty komandadan jazǵy Olımpıadaǵa qatysatyn boldy.
