Qazaqstandyq jaǵajaı voleıbolshylary Qytaıdaǵy «Fuzhou Open» Álemdik týryna qatysýda
ALMATY. 26 sáýir. QazAqparat - Qazaqstandyq jaǵajaı voleıbolshylary Qytaıdyń Fýchjoý qalasynda ótip jatqan Álemdik týrdyń «Open» kategorııasy kezeńindegi «Fuzhou Open» jarysyna qatysýda.
23 sáýir kúni bastalǵan bul dodada el namysyn erler arasynda - 2, áıelder arasynda - 1 jup qorǵaýda. Onda dárejelik birinshi raýndta frantsýzdarǵa utylǵan Dmıtrıı ıAkovlev pen Alekseı Kýleshov saıysty erte aıaqtap, 41-shi oryndy qanaǵat tutty. Al «D» tobynda baq synap jatqan Alekseı Sıdorenko men Aleksandr Dıachenko búgin toptyq syndaǵy aqtyq kezdesýin ıtalııandyqtardyń 2-shi jubymen ótkizedi. Buǵan deıin olar Ispanııa men Italııa sportshylaryn utqan bolatyn. Jarysty birden ekinshi raýndtan bastaǵan Tatıana Mashkova men Irına Tsımbalova shveıtsarııalyqtardy jeńip, toptyq kezeńde nıderlandyqtarǵa jeńilgen bolatyn. Búgin olar endi kanadalyqtarmen kúsh synaspaq.
