Qazaqstandyq jaǵajaı voleıbolshylary Qurlyqtyq kýboktyń qola júldegeri atandy
ALMATY. 25 maýsym. QazAqparat - Qytaıdyń Fýchjoý qalasynda 20-24 maýsym kúnderi jaǵajaı voleıbolynan Qurlyqtyq kýboktyń oıyndary ótti.
Qazaqstannyń áıelder quramasy bolsa, Olımpıada oıyndarynyń joldamasyn utyp alýdan áli úmit úzgen joq. Indonezııa (3:2), Vetnam (3:1), Taıland (1:0) sportshylarynan basym túsip, avstralııalyqtarǵa ǵana (0:3) ese jibergen olar Qurlyqtyq kýboktyń qola júldegeri atandy. Endi qazaqstandyqtar Máskeýde ótetin Qurlyqaralyq kýboktyń aqtyq kezeńinde baq synap kórmek. Al erler quramasy úzdik bestiktiń qataryna endi. Bul kórsetkishpen olar Londondaǵy HHH Jazǵy Olımpıada oıyndaryna qatysý múmkindiginen tolyq aıyryldy.
Bul baıraqty básekede erler synynda 14 elden 28 jup, al áıelder arasynda 13 elden 26 jup óner kórsetken bolatyn. El namysyn Tatıana Mashkova, Irına Tsymbalova, Baqytgúl Samalıkova, Lıýbov Bogatý jáne Alekseı Sıdorenko, Aleksandr Dıachenko, Dmıtrıı ıAkovlev, Alekseı Kýleshov qorǵady.
