Qazaqstandyq jaǵajaı voleıbolshylary Qurlyqtyq kýboktyń aqtyq kezeńinde sátti óner kórsetýde
ALMATY. 21 maýsym. QazAqparat - Qytaıdyń Fýchjoý qalasynda jaǵajaı voleıbolshylary Qurlyqtyq kýbogynyń aqtyq kezeńi ótip jatyr.
20 maýsymda bastalǵan bul jarys 24-maýsymda aıaqtalady. Onda úzdik shyqqandar Londonda ótetin HHH Jazǵy Olımpıada oıyndarynyń joldamasyna ıe bolady. Oǵan erler arasynda 14 elden 28 jup, al áıelder arasynan 13 elden 26 jup qatysýda.
Bul dúbirli dodada erler arasynda 1/8 fınalda búgin Qazaqstan men Jańa Zelandııa komandalary 1:1 esebimen teń tústi. Onda Dmıtrıı ıAkovlev pen Alekseı Kýleshov eki oıynda da qarsylastarynan 2:1 esebimen basym tústi. Alekseı Sıdorenko men Aleksandr Dıachenko alǵashqy kezdesýde 0:2, ekinshi kezdesýde 1:2 esebimen jeńilis tapty. Erteń olar endi shırek fınalda Avstralııa, arǵy kúni jartylaı fınalda Oman komandalarymen kezdesedi. Omandyqtar keshe Shrı-Lanka quramasyn 3:0 esebimen utqan bolatyn.
Al áıelder arasyndaǵy 1/8 fınalda qazaqstandyqtar ındonezııalyqtardy 3:2 esebimen utty. Onda eki kezdesýde de Tatıana Mashkova men Irına Tsymbalova 2:0 esebimen utsa, Baqytgúl Samalyqova men Lıýbov Bogatý 1:2 esebimen jeńilis tapty. Sondyqtan qosymsha taǵy bir oıyn ótkizilip, onda Tatıana men Irına 1:0 esebimen basym tústi. Endi jerlesterimiz jartylaı fınalda Vetnam sportshylarymen kúsh synaspaq. Vetnamdyqtar buǵan deıin jańazelandııalyqtardy 3:0 esebimen oısyrata utqan bolatyn.
