Qazaqstandyq jaǵajaı voleıbolshylary Klagenfýrtte ótip jatqan "Úlken dýlyǵa" Álemdik týry kezeńiniń negizgi kestesine ótti
ALMATY. Shildeniń 29-y. QazAqparat /Erlik Erjanuly/ - Qazaqstandyq jaǵajaı voleıbolshylary Avstrııanyń Klagenfýrt qalasynda ótip jatqan "Úlken dýlyǵa" Álemdik týry kezeńiniń negizgi kestesine ótti, dep habarlaıdy QazAqparat.
Maýsymnyń 28-i kúni jalaýyn kótergen bul jarystyń júlde qory 300 myń AQSh dollaryn quraıdy. Onda el namysyn Aleksandr Dıachenko men Alekseı Sıdorenko juby qorǵap jatyr. Olar keshe birinshi raýnda kanadalyq, al ekinshi raýndta portýgalııalyq sportshylardy 24:22, 15:21, 19:17 jáne 21:19, 16:21, 15:8 esepterimen utty. Búgin qazaqstandyqtar endi Qytaı men Nıderlandy, al 30-y kúni Latvııa voleıbolshylarymen saıysatyn bolady.
