Qazaqstandyq jaǵajaı voleıbolshylary «Kısh Oýpen» Azııalyq týryna qatysady
ALMATY. 2 naýryz. QazAqparat - Irannyń Kısh aralynda 6-8 naýryz kúnderi jaǵajaı voleıbolynan erler komandalary arasynda «Kısh Oýpen» Azııalyq týry ótedi.
Onda el namysyn 2 jup qorǵaǵaly otyr. Olar - Alekseı Sıdorenko men Aleksandr Dıachenko jáne Alekseı Kýleshov pen Dmıtrıı ıAkovlev. Denıs Rovkın jattyqtyratyn ulttyq qurama byltyr atalmysh jarystan altyn jáne kúmis medalmen oralǵan edi. Bıyl olar endi ırandyqtardan 21-22 qańtar kúnderi Shrı Lankanyń Kolombo qalasynda ótken Olımpıada oıyndarynyń dárejelik irikteý jarysynyń 2-kezeńinde ketken esesin qaıtarýǵa barlyq kúsh-jigerin jumsamaq. Onda erler quramasy jartylaı fınalda shrı-lankalyqtardy 4:0 esebimen oısyrata utqan bolatyn. Odan keıin aqtyq synda nalda ırandyqtarmen 2:2 esebimen teń tústi. Sol sebepti jeńimpaz taı-breıkte anyqtalǵan bolatyn. Bul saıysta Alekseı Sıdorenko men Aleksandr Dıachenko Parvız Farýh pen Mohammad Salahqa 10:15 esebimen ese jibergen edi.
