Qazaqstandyq jaǵajaı voleıbolshylary Kanadada ótken 21 jasqa deıingi qyzdar arasyndaǵy Álem chempıonatyna qatysty
ALMATY. 4 qyrkúıek. QazAqparat - Kanadadaǵy Galıfakste 19 tamyz-2 qyrkúıek aralyǵynda 21 jasqa deıingi qyzdar arasyndaǵy Álem chempıonaty ótti.
30 komanda qatysqan bul dúbirli dodada el namysyn Baqytgúl Samalyqova men Lıýbov Bogatý qorǵaǵan bolatyn. Olar toptyq kezeńdegi alǵashqy kezdesýde nemis qyzdaryn 2:1 (21-16, 18-21, 15-13) esebimen utyp, ekinshi kezdesýde amerıkandyqtarǵa (13-21, 12-21) 0:2, al úshinshi kezdesýde brazılııalyqtarǵa (9-21, 13-21) 0:2 esebimen ese jiberdi. Toptyq synda 3 jup ta bir oıynda jeńiske jetkendikten, partııalardaǵy dop aıyrmashylyǵy sarapqa salynyp, onda ózge komandalardyń joly boldy. Sonyń nátıjesinde jarysty erte aıaqtaǵan 5 komandanyń biri retinde 25-inshi orynǵa taban tiredi. Baqytgúl Samalyqova men Marına Pılıpenko byltyrǵy Álem chempıonatynda toǵyzynshy oryn alǵan bolatyn.
