Qazaqstandyq jaǵajaı voleıbolshylary «Hanom Oýpen» Azııalyq týrynda 1 altyn, 2 kúmis medal oljalady
ALMATY. 11 sáýir. QazAqparat - Búgin jaǵajaı voleıbolynan Taılandtyń Nahon Shı Tamarat qalasynda «Hanom Oýpen» Azııalyq týry óz máresine jetti.
Bul dúbirli dodada erler arasynda - 29, áıelder arasynda - 20 komanda baq synaǵan bolatyn. Onda erler men áıelder arasynda el namysyn qorǵaǵan qazaqstandyq 4 komandanyń úsheýi aqtyq fınalda óner kórsetip, 1 altyn, 2 kúmis medal ıelendi. Úsh kúnge sozylǵan jarysta erler arasyndaǵy básekede «Qazaqstan-1» (Alekseı Sıdorenko/Aleksandr Dıachenko) men «Qazaqstan-2» (Dmıtrıı ıAkovlev-Alekseı Kýleshov) 1-2 oryndy ózara bólisti. Bul saıysta 2:0 esebimen Alekseı men Aleksandrdyń juby jeńiske jetti. Al áıelder arasyndaǵy kezdesýde «Qazaqstan-1» (Tatıana Mashkova/Irına Tsımbalova) komandasy jarys qójaıyndaryna 0:2 esebimen utylyp, kúmis júldeni qanaǵat tutty. «Qazaqstan-2» komandasy bolsa (Baqtygúl Samalyqova/Lıýbov Bogatý) 5-7 oryn oryn úshin ótken jartylaı fınalda taıpeılikterge ese jiberip aldy.
