Qazaqstandyq jaǵajaı voleıbolshylary «Grand Slema» Álemdik týrynyń «Paf Open» kezeńinde 1/8 fınalǵa deıin jetti
ALMATY. 31 tamyz. QazAqparat - Fınlıandııanyń Aland qalasynda jaǵajaı voleıbolynan áıelder arasynda «Grand Slema» Álemdik týrynyń «Paf Open» kezeńdik jarysy ótip jatyr.
28 tamyz kúni bastalǵan bul baıraqty báseke 2 qyrkúıek kúni aıaqtalady. Onda el namysyn bul joly Irına Tsımbalova men Tatıana Mashkova juby qorǵaǵan bolatyn. Olar dárejelik kezeńde latvııalyqtardy (2:0), negizgi týrdyń birinshi raýndynda chehııalyqtardy (2:1) utyp, ekinshi raýndynda brazılııaqtarǵa 1:2, belgııalyqtarǵa 0:2 esebimen utylyp, 1/8 fınalǵa shyǵý múmkindigin qoldan shyǵaryp aldy. Sonyń nátıjesinde negizgi kestege engen 24 komandanyń arasynda 17-inshi oryndy ıelendi. Buǵan deıin olar «Bejing Grand Slam», «smart Grand Slam Berlin 2012», «A1 Grand Slam presented by ERGO», «Mazury Orlen Grand Slam» kezeńdik jarystarynda dárejelik raýndtarda súrinip, 33 oryndy qanaǵat tutyp kelgen bolatyn.
