Qazaqstandyq jaǵajaı voleıbolshylary «Grand Seıama» kezeńinde baq synaýda
ALMATY. 2 mamyr. QazAqparat - Qytaıdyń Shanhaı qalasynda jaǵajaı voleıbolynan «Grand Seıama» kezeńdik jarysy ótip jatyr. 1 mamyrda bastalǵan bul baıraqty báseke 6 mamyr kúni aıaqtalady.
Qazaqstandyq sportshylar buǵan deıin 24-29 sáýir kúnderi Polshanyń Myslovıtse qalasynda bolǵan Álemdik týrdyń «Selısııa Oýpen» kezeńine qatysqan bolatyn. QR Voleıbol federatsııasynyń baspasóz qyzmetiniń habarlaýynsha, sońǵy Azııalyq týrlardaǵy sátti oıyndarynyń nátıjesinde onda qazaqstandyq Alekseı Sıdorenko men Aleksandr Dıachenko jarysty irikeý synynsyz birden negizgi kesteden bastady. Sonyń nátıjesinde 32 juptyń arasynda 13-oryn alyp óz qorjyndaryna 180 reıtıngtik upaı qosty. Polsha (15-21, 22-24), Frantsııa (17-21, 21-15, 15-11) jáne Germanııa (21-12, 19-21, 15-7) sportshylaryn qapy qaldyrǵan olar latvııalyqtarǵa (19-21, 19-21) ese jiberdi. Al ekinshi dárejelik kezeńde súringen Dmıtrıı ıAkovlev pen Alekseı Kýleshov 41-orynǵa taban tirep, 18 upaı ǵana ıelendi. Olar birinshi dárejelik kezeńde chehııalyqtardy (20-22, 19-21) utqanymen, ekinshi kezeńde avstralııalyqtardan (21-19, 21-14) aılasyn asyra almady.
