Qazaqstandyq jaǵajaı voleıbolshylary Chennaı Chellendjer týrynda úzdik bestiktiń qataryna endi
ALMATY. Qazannyń 4-i. QazAqparat /Erlik Erjanuly/ - Ótken senbi kúni Úndistannyń Chennaı qalasynda jaǵajaı voleıbolynan Chennaı Chellendjer týry óz máresine jetti,
dep habarlaıdy QazAqparat QR Voleıbol federatsııasyna silteme jasap.
Qyrkúıektiń 29-i kúni jalaýyn kótergen bul baıraqty básekede el namysyn eki jup qorǵaǵan bolatyn. Onda Tatıana Mashkova men Irına Tsımbalova 1/8 fınalda germanııalyq qurbylaryna ese jiberip, shırek fınalǵa óte almady. Al olardyń komandalas serikteri Inna Rahmatýlına men Lıýdmıla Isaeva birinshi aınalymda Malaızııa sportshylarynyń osal tusyn taba almaǵan edi. Bul Vasılıı Kýshtalov jattyqtyratyn el quramasynyń qarashanyń 12-28 kúnderi Qytaıdyń Gýanchjoý qalasynda ótetin XVI Azııa oıyndaryna daıyndyqtaryn pysyqtaıtyn alǵashqy halyqaralyq týrnır bolyp otyr. Endi olar qazannyń 6-11 kúnderi Indonezııadaǵy Azııalyq Belıntýng Oýpen, al 11-16-sy kúnderi Azııalyq Bangka Oýpen týrlaryna qatysady.
