Qazaqstandyq jaǵajaı voleıbolshylary Beıjińdegi «Gran Slema» kezeńinde 80 reıtıngtik upaıǵa ıe boldy
ALMATY. 14 mamyr. QazAqparat -Beıjiń qalasynda 8-13 mamyr kúnderi jaǵajaı voleıbolynan «Grand Slema» kezeńi ótti.
Onda negizgi kestede óner kórsetken 32 juptyń arasynda qazaqstandyq Alekseı Sıdorenko men Aleksandr Dıachenko 25 oryn alyp, reıtıngtik upaı qoryn 80-ge deıin ulǵaıtty. Olardyń komandalas áriptesteri Dmıtrıı ıAkovlev pen Alekseı Kýleshov birinshi dárejelik synda danııalyqtardan jeńilip, 41 oryndy qanaǵat tutty. Olar bul synda 24 upaı ǵana ıelendi. Onda dál osyndaı nátıjeni áıelder arasynda baq synaǵan Irına Tsımbalova men Tatıana Mashkova da kórsetti.
Endi erler arasyndaǵy qos jup 16-18 mamyrda Aqtaýda jalaýyn kóteretin «Aktau Invitation» Azııalyq týrynda el namysyn qorǵaıtyn bolady. Bul baıraqty báseke Qazaqstanda bıyl tuńǵysh ret uıymdastyrylyp otyr.
