Qazaqstandyq jaǵajaı voleıbolshylary Azııa chempıonatynda sátti óner kórsetýde
ALMATY. Qazannyń 22-si. QazAqparat /Erlik Erjanuly/ - Jaǵajaı voleıbolynan Qytaıdyń Haıký aralynda ótip jatqan Azııa chempıonatynda qazaqstandyqtar búgin shırek fınaldyq oıyndaryn ótkizýde.
Qazannyń 21-de jalaýyn kótergen bul baıraqty básekede el namysyn erler arasynda da, áıelder arasynda da eki-eki juptan qorǵaǵan bolatyn. Jalpy bul dúbirli dodaǵa erler arasynda - 26, áıelder arasynda 23 jup qatysýda.
Vasılıı Kýshtalov jattyqtyratyn áıelder quramasynan Tatıana Mashkova men Irına Tsımbalovanyń juby búgin Vanýatýdan kelgen qurdastary Mıller Elvın men Latıka Henrıetteni ( Miller Elwin- Iatika Henriette) utty (2-1). Olardyń komandalas serikteri Inna Rahmatýlına men Lıýdmıla Isaeva taılandtyq Tenpakshı Ýsa men Sannok Jarýnıge (Tenpaksee Usa-Sannok Jarunee) 0-2 esebimen ese jiberdi. Al erler arasyndaǵy Alekseı Sıdorenko men Aleksandr Dıachenko juby ırandyq Assarı Reza men Rahmannan (Assari Reza-Rahman) 2-1 esebimen basym tústi. Sondaı-aq Dmıtrıı ıAkovlev pen Alekseı Kýleshov shrı-lankalyq Mahesh-Vasanta ( Mahesh-Wasantha) jubyn 2-0 etip utty. Qazirgi ýaqytta Mashkova-Tsımbalova jáne Sıdorenko-Dıachenko men ıAkovlev-Kýleshov shırek fınaldyq oıyndaryn ótkizip jatyr.
