Qazaqstandyq jaǵajaı voleıbolshylary Azııa chempıonatynda sátti óner kórsetti
ALMATY. 20 mamyr. QazAqparat -Úndistannyń Chennaı qalasynda jaǵajaı voleıbolynan 21 jasqa deıingi jastar arasynda ótip jatqan Azııa chempıonatynda (U-21) qazaqstandyqtar sátti óner kórsetýde.
Onda el namysyn qorǵaǵan Sergeı Bogatý men Vladıslav Pýstynnıkov, Vıktor Pestov pen Kırıll Gýrın jáne Baqtygúl Samalyqova men Lıýbov Bogatý jartylaı fınalǵa alqynbaı jetti.
Іrikteý synynda «V» tobynda baq synaǵan Baqtygúl men Lıýbov Úndistannyń 2-shi jáne 4-shi, Japonııanyń jáne Indonezııanyń 1-shi nómirli jubyn utty. Shırek fınalda Úndistan quramasynyń úzdikterin jeńgen olar endi jartylaı fınalda japon quramasynyń kóshbasshylarymen qaıta kezdesti. Al «D» tobynda óner kórsetken Vıktor men Kırıll úndistandyqtardyń 3-shi, japondyqtar men omandyqtardyń 2-shi, túrikmenderdiń 1-shi nómirli sportshylaryn qapy qaldyryp, endi ındonezııalyqtardyń qaýqaryn baıqaýda. «A» tobynda Indonezııa men Irannyń 1-shi, Oman men Úndistanyń 2-shi juptaryn jeńgen Vladıslav pen Sergeı endi avstrııalyqtarmen sheberlik baıqasýda.
