Qazaqstandyq jaǵajaı voleıbolshylary Azııa chempıonatynda erler arasynda da, áıelder arasynda da úzdik bestikke endi
ALMATY. 5 qarasha. QazAqparat - Qytaıdaǵy Haıkoýda 1-4 qarasha kúnderi jaǵajaı voleıbolynan Azııa chempıonaty ótti.
Oǵan erler arasynda - 20, áıelder arasynda - 13 komanda qatysqan bolatyn. Qazaqstan namysyn bul básekede áıelder arasynda Tatıana Mashkova men Irına Tsımbalova, erler arasynda Alekseı Sıdorenko men Aleksandr Dıachenko jáne Dmıtrıı ıAkovlev pen Alekseı Kýleshov juptary qorǵaǵan edi. Alekseı men Aleksandr shırek fınalda ırandyqtarǵa, Tatıana men Irına jarys qojaıyndaryna utylyp, 5-shi oryn aldy. Al 1/8 fınalda komandalas dostaryna ese jibergen Aleksandr men Dmıtrıı 9-shy oryndy qanaǵat tutty. Jalpy esepte erler arasynda avstralııalyqtar Azııa chempıony atandy, al Qytaı men Indonezııa sportshylary kúmis jáne qola júldeni ıelendi. Áıelder arasynda qytaılyqtar altyn jáne qola júldeni, vanýatýlyqtar kúmis júldeni enshiledi.
