Qazaqstandyq jaǵajaı voleıbolshylary áıelder arasyndaǵy «SWATCH WORLD TOUR 2012» jarysynyń Taılandtaǵy kezeńin sátti bastady
ALMATY. 25 qazan. QazAqparat - Jaǵajaı voleıbolynan Taılandaǵy Bang Saenda áıelder arasynda «SWATCH WORLD TOUR 2012» jarysynyń «Open powered by PTT» kezeńi ótip jatyr.
Seısenbi kúni jalaýy kóterilgen bul básekede el namysyn Tatıana Mashkova men Irına Tsymbalova juby qorǵaýda. Olar Grand Slema dodasyndaǵy sońǵy jarysta sátti óner kórsetýine baılanysty bul saıysty negizgi kesteden bastady. Búgin olar alǵashqy raýndta chehııalyq qarsylastarynan 1:2 (16-21, 21-19, 9-15) esebimen basym tústi. Endi ekinshi raýndta jarys qojaıyndarymen kúsh synasýda.
Jalpy bul kezeńniń jeńimpazy 28 qazandaǵy aqtyq oıynda belgili bolady. Odan keıin el quramasynyń úzdikteri 1-7 qarasha kúnderi Qytaıda ótetin Azııa chempıonatyna qatyspaq.
