Qazaqstandyq jaǵajaı voleıbolshylary áıelder arasyndaǵy Azııa chempıonatynyń kúmis júldegeri atandy
ALMATY. Qazannyń 25-i. QazAqparat /Erlik Erjanuly/ - Qazannyń 21-24-i kúnderi Qytaıdyń Haıký aralynda jaǵajaı voleıbolynan Azııa chempıonaty ótti.
Onda Qazaqstannyń áıelder quramasynan Tatıana Mashkova men Irına Tsımbalova juby alǵash ret Azııa chempıonatynyń kúmis júldesin jeńip aldy. Olardyń komandalas serikteri Inna Rahmatýlına men Lıýdmıla Isaeva 23 juptyń arasynan 9-shy orynǵa ıe boldy. Tatıana men Irına aqtyq synda qytaılyq Hý Jen men Jang Hı Chnǵa (Xue Chen-Zhang XI CHN) 2-0 (21-13, 21-7) esebimen ese jiberdi. Úshinshi oryn úshin bolǵan synda japondyqtar taılandyq qurdastarynan (2-1) basym tústi. Al erler arasyndaǵy saıysta 26 juptyń arasynan Alekseı Sıdorenko men Aleksandr Dıachenko - tórtinshi, Dmıtrıı ıAkovlev pen Alekseı Kýleshov besinshi orynǵa taban tiredi. Onda 1-shi oryndy ındonezııalyq Andı-Koko jubyn 2-0 esebimen utqan qytaılyq Vý Penggen men Hý Lınıan (Wu Penggen-Xu Linyin) ıelendi. Olardyń jerlesteri Gao Peng pen Lı Jınan (Gao Peng-Li Jian) da úshinshi oryn úshin bolǵan saıysta Alekseı men Aleksandrdan 2:1 esebimen basym túsip, qola júldeger atandy.
