Qazaqstandyq jaǵajaı voleıbolshylary 19 jasqa deıingi jastar arasyndaǵy Álem chempıonatynda 17-oryn aldy
ALMATY. 14 shilde. QazAqparat - Kıprdiń Larnaka qalasynda 11-14 shilde kúnderi jaǵajaı voleıbolynan 19 jasqa deıingi jastar arasynda Álem chempıonaty ótti.
Onda 32 komandanyń arasynda Aqtaý qalasynan «Kaspıı» voleıbol klýbynyń tárbıelenýshileri Nurlan Kóńilqos pen Sergeı Kotenev 17-oryn aldy.
Olar toptyq kezeńde Norvegııa men Horvatııa sportshylaryna utylyp, Aljırlikterden basym túsken bolatyn. Pleı-off kezeńiniń birinshi kezeńinde latvııalyqtarǵa ese jiberdi. Olardyń bul kórsetkishin qyzdar arasynda baq synaǵan Ekaterına Lasıýta men Aleksandra Varasova da qaıtalady. Toptyq kezeńde Kıpr men Horvatııa sportshylarynan basym túsken qazaqstandyq qyzdar birinshi raýnda kanadalyqtarǵa utylyp qaldy. Sonyń nátıjesinde 31 komandanyń arasynan 17-orynǵa taban tiredi. Eger Lasıýta 15-te, Nurlan 17-de, al Sergeı men Aleksandrııa 18-de ekenin eskeretin bolsaq, bul kórsetkish olar úshin úlken jetistik deýge bolady.
Eresekter arasyndaǵy ulttyq quramanyń 2-nómirli sportshylary sanalatyn Lıýbov Bogatý men Baqtygúl Samalyqova byltyr bul dúbirli dodada úzdik bestiktiń qatarynan oryn alǵan bolatyn.
