Qazaqstandyq jaǵajaı voleıbolshylar arasynda Reseıdiń ashyq kýbogynda besinshi oryn aldy
ALMATY. 27 tamyz. QazAqparat -Zelenograd qalasynda 23-26 tamyz kúnderi jaǵajaı voleıbolynan áıelder arasynda Reseı ashyq kýbogy men Shyǵys Eýropa aımaqtyq voleıbol qaýymdastyǵy (EEVZA) chempıonatynyń aqtyq týrnıri ótti.
Oǵan Reseı, Latvııa, Estonııa, Ýkraına. Belorýs jáne Qazaqstannan 24 komanda qatysty. Onda el namysyn qorǵaǵan Irına Tsymbalova men Tatıana Mashkova juby toptyq kezeńnen súrinbeı ótip, 1/8 fınalda óz tobynda ekinshi oryn aldy. Qazaqstan Shyǵys-Eýropa aımaqtyq voleıbol qaýymdastyǵyna múshe bolmasa da, qazaqstandyqtar shırek fınalǵa deıin jetip, besinshi orynǵa qol jetkizdi. Olar toptyq kezeńde «Obnınsk» komandasyn 2:1 esebimen utyp, «FRPV-TsSP-«Izmaılov» komandasynyń birinshi jubyn 2:0 esebimen utyp, ekinshi jubyna 1:2 esebimen utyldy. Al 1/8 fınalda «VTsMO» komandasyn 2:0 esebimen utyp, shırek fınalda «EEVZA» komandasyna 0:2 esebimen ese jiberdi.
