Qazaqstandyq zaýyt jańa úlgidegi kólik qurastyrady
ÓSKEMEN. QazAqparat - Búgin qazaqstandyq «AZIıA AVTO» zaýyty «LADA kóligin qurastyrýdy bastaý rásimin ótkizdi.
Tehnıkalyq ruqsatqa resmı qol qoıylǵannan keıin otandyq kólikti jınaýdy bastaý rásimi ótti. Strategııalyq qujatqa óńirge kelgen «AVTOVAZA» prezıdenti Nıkolıa Mor men «BIPEK AVTO-AZIıA AVTO» dırektorlar keńesiniń tóraǵasy Anatolıı Balýshkın qol qoıdy.
Qazaqstandyq mashına jınaý zaýytyna eksportqa shyǵarý úshin Vesta sedan, Xraykrossover, Largus jáne Granta lıftbegin jınaýǵa quqyq beriledi. «Qazaqstan - «Lada» úshin nómiri birinshi eksporttyq naryq. Óskemendegi óndiristi damytý - eksporttyq saıasatta múmkindikterdi keńeıtý.
Kásiporyn aldynda kóptegen mindetter tur. Biz tolyq tsıkldy kólik zaýytyn salýdy jalǵastyramyz. QR bıligine aýqymdy jobamyzdy qoldaǵany úshin alǵys aıtamyz», - dep atap ótti Nıkolıa Mor.
Óz kezeginde holdıng basshysy Anatolıı Balýshkın osy jyl «AVTOVAZ» jáne «BIPEK AVTO-AZIıA AVTO» áriptestigi tarıhynda eń mańyzdy jyl ekendigin aıta kele, «LADA» úlgisin shyǵarýdy bastaý - zaýyttyń 14 jyldyǵyna jáne Táýelsizdiktiń 25 jyldyǵyna laıyqty syı»,-dedi ol.
Óskemende jylyna 120 myń kólik shyǵaratyn zaýyt salý boıynsha «AZIıA AVTO Kazahstan» ındýstrıaldyq-ınnovatsııalyq jobasyn iske asyrý jalǵasýda. Joba respýblıkalyq Qazaqstannyń ÚIID kartasyna kiredi.
Ony iske asyrý 2014 jyly bastalǵan. Óndiristiń birinshi kezeńin iske qosý 2017 jylǵa josparlanǵan. Jobany iske asyrý Qazaqstan men Reseı prezıdentteri maquldaǵannan keıin bastaldy.
