Qazaqstandyq Z.Dııas Kýala-Lýmpýr týrnıriniń ekinshi aınalymyna shyqty

Vesti.kz saıtynan alynǵan málimetke qaraǵanda, Zarına osy týrnırdiń tórtinshi raketkasy, nemis tennısshisi Annıka Bekti saǵat jarymǵa sozylǵan ýaqytta 7:5, 6:3 esebimen tize búktirdi. Z.Dııas match barysynda bes breıkke qol jetkizdi. Ásirese, birinshi partııada 3:5 esebimen jeńilip jatyp, keıingi tórt geımdi qatarynan utty.

Qazaqstandyq tennısshi budan buryn da A.Bekti bir márte utqan bolatyn. Z.Dııas ekinshi aınalymda osy týrnırde reseılik Aleksandra Panovany joldan taıdyrǵan qytaılyq Chjý Lınmen kezdesedi.

Aıta keteıik, bıylǵy jarystaryn sátsiz ótkizgen Z.Dııas álemdik reıtıngte 95-inshi orynǵa deıin tómendep ketken bolatyn. Al atalmysh týrnırdiń júlde qory - 226750 AQSh dollary.