Qazaqstandyq ıÝ.Galysheva Álem kýbogy kezeńinde paralleldi mogýlden úshinshi orynǵa taban tiredi
ASTANA. 3 aqpan. QazAqparat - Qazaqstandyq ıÝlııa Galysheva Amerıkanyń Dır Vellı shıpajaıynda ótip jatqan frıstaılden Álem kýbogynyń 16-shy kezeńinde paralleldi mogýlden úshinshi orynǵa taban tiredi.
www.vesti.kz saıtynyń habarlaýynsha, aqtyq syndy kanadalyq Jıýstın Dıýfýr-Lapoıntten myqty ekendigin dáleldegen amerıkandyq Hanna Kernı jarys jeńimpazy atandy. Al qazaqstandyq sportshy jubanysh fınalynda amerıkandyq sportshy KS Oklıden basym túsip, úshinshi oryndy ıelendi. Elimizdiń namysyn qorǵaǵan taǵy bir sportshymyz Darıa Rybalova 26-shy orynmen biliktilik saıysynan óte almady.
Al erler saıysynda bas júlde kanadalyq frıstaılshy Aleksandr Bılodoǵa buıyrsa, 2-3-shi oryndardy amerıkandyq sportshylar Patrık Denın men Bredlı Ýılson bólisti. Qazaqstandyq Dmıtrıı Reıhard jarysty 11-shi orynmen aıaqtasa, Pavel Kolmakov pen Dmıtrıı Barmashov biliktilik saıysynan asa almady.
