Qazaqstandyq ıahtashy «Katar regatasy» halyqaralyq birinshiliginde birinshi oryndy enshiledi
ASTANA. 18 qazan. QazAqparat - Qazaqstandyq ıahtashy Rýslan Janǵazov «Katar regatasy» dástúrli halyqaralyq birinshiliktiń «Lazer standart» olımpıadalyq synynda birinshi oryn ıelendi,
dep habarlaıdy qatarsailing.org saıty.
Ekinshi orynǵa Brýneı eliniń ókili Abdýlla Janahı qol jetkizse, úzdik úshtikti taǵy bir bizdiń jerlesimiz Vladımır Chankın túıindedi.
«Katar regatasy» jarysynda Rýslan Janǵazovtyń qyzy Karına qatysyp, onyń da úlken jetistikterge qol jetkizgendigin atap ótýge bolady. Ol «Lazer radıal» synynda eń úzdik ondyqtyń qataryna enip, 9-orynǵa ıe boldy. Odan eki saty joǵary qazaqstandyq ıahtashy Baǵdat Eselov jaıǵasqan.
Rýslan men Karına Janǵazovtar qazan aıynyń basynda Qazaqstan birinshiligin utyp, «Katar regatasyna» arnalǵan joldamany ıelengen edi. Endi olar Avstralııada ótetin Álem chempıonatyna attanady. Álem dodasynda olar kem degende Olımpıada joldamasyn jeńip alýdy maqsat tutyp otyr.
