Qazaqstandyq WBC chempıony endi WBO tıtýly úshin aıqasady

NUR-SULTAN. QazAqparat - Adal Promotions promoýterlik kompanııasy qazaqstandyq boksshy Meıirim Nursultanovtyń (15-0, 8 KO) kelesi jekpe-jegin jarııalady, dep habarlaıdy QazAqparat Sports.kz-ke silteme jasap.

Nursultanov 15 qańtarda Aqtaýda rıngke oralyp, reseılik boksshy Andreı Sırotkınmen (19-1-1, 7 KO) kezdesedi. Olar orta salmaqtaǵy WBO International bos tıtýlyna talasady. Jekpe-jek on raýndqa eseptelgen.

Meıirim Nursultanov qarasha aıynda sońǵy jekpe-jegin ótkizdi - ol Belarýs tóreshileriniń biraýyzdan qabyldaǵan sheshimimen Dmıtrıı Atrohovty (16-12, 7 KO) jeńgen bolatyn. Sonymen qatar, qazaqstandyqtyń WBC (USNBC) belbeýine ıe ekendigin aıta ketken jón. Andreı Sırotkınge kelsek, kezekti aıqasyn sáýir aıynda ótkizdi – onyń WBO Eýropa chempıony ataǵy úshin brıtandyq Dennı Dıgnýmmen (13-0-1, 7 KO) jekpe-jegi teń aıaqtaldy.