Qazaqstandyq WBA chempıony meksıkalyqty óz elinde nokaýtqa túsirdi

ASTANA. QazAqparat - Qazaqstandyq boksshy Bek Nurmaǵanbet (7-0, 5 KO) kásibı rıngte segizinshi jekpe-jegin ótkizdi, dep habarlaıdy QazAqparat Sports.kz-ke silteme jasap.

Ol Mehıko qalasynda (Meksıka) ótken boks keshinde óner kórsetti, onda jergilikti boksshy Lýchano Araýhomen (6-5-3, 3 KO) kezdesti. Jekpe-jek sýper orta salmaqta ótip, segiz raýndqa josparlanǵan bolatyn. Bul jekpe-jekte Nurmaǵanbet ekinshi raýndta tehnıkalyq nokaýtpen jeńiske jetti.

Osylaısha, Bek Nurmaǵanbet kásipqoı bokstaǵy segizinshi jekpe-jegin de abyroımen aıaqtady, al Lýchano Araýho mansabynda altynshy ret jeńiliske ushyrady.

Nurmaǵanbet ótken jyly WBA International tujyrymy boıynsha sýper orta salmaqtaǵy tıtýldy jeńip alǵanyn bolatyn. 24 jastaǵy qazaqstandyq kásibı deńgeıde 2020 jyldan beri óner kórsetip keledi.