Qazaqstandyq výnderkındter fızıka páni boıynsha halyqaralyq olımpıadadan tórt kúmis jáne bir qola júldege ıe boldy
ASTANA. 15 shilde. QazAqparat - Qazaqstandyq výnderkındter fızıka páni boıynsha halyqaralyq olımpıadadan tórt kúmis jáne bir qola júldege ıe boldy, dep habarlaıdy QR Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy.
44-shi olımpıada 7-15 shile aralyǵynda Danııa astanasy Kopengagen qalasynda ótti. Buǵan álemniń 83 memleketinen 381 oqýshy qatysqan.
Kúmis júldeni qazaq-túrik lıtseıiniń 11-synyp oqýshylary Aıdar Jetesov (Astana), Amır Bralın (Aqtóbe) jáne tarazdyq Musa Radjamov pen Nurıslam Tursynbek aldy. Qola medal atalǵan lıtseıdiń 10-synyp oqýshysy, tarazdyq Dinmuhammed Nurbektiń enshisine tıdi.
