Qazaqstandyq voleıbolshylardyń Azııa chempıonatynyń toptyq kezeńindegi qarsylastary belgili boldy
ALMATY. 30 mamyr. QazAqparat - Birikken Arab Ámirlikteriniń Dýbaı qalasynda 28 qyrkúıek pen 6 qazan aralyǵynda ótetin XVII Azııa chempıonatynyń jerebesi tartyldy.
Oǵan qatysatyn 24 eldiń ulttyq quramalary 8 topqa jikteldi. Gennadıı Parshın jattyqtyratyn qazaqstandyqtar Iran men Kýveıt sportshylarymen birge «S» tobynda óner kórsetetin boldy. Onda óz tobynda 1-2 oryn alǵan alǵandar 1/8 fınalǵa joldama almaq.
2011 jyly Iranda ótken sońǵy Azııa chempıonatyna 16 eldiń quramasy qatysqan bolatyn. Onda jarys qojaıyndary jeńimpaz atansa, qazaqstandyqtar tek 9-shy oryndy qanaǵat tutqan edi. Al Kýveıt sportshylary oǵan qatysqan joq.
Bıylǵy dodaǵa daıyndyqty Túrkııada bastap, Qytaıdaǵy halyqaralyq týrnırde pysyqtaǵan ulttyq qurama onyń aldynda taǵy 2 mańyzdy jarysqa qatyspaq. Onyń birinshisi - maýsym aıynda Pavlodarda ótetin Álem chempıonatynyń aımaqtyq irikteý týrnıri, ekinshisi - tamyz aıynda Almatyda bolatyn «QR Prezıdenti kýbogy úshin» ótetin dástúrli halyqaralyq týrnır bolǵaly otyr.
