Qazaqstandyq voleıbolshylar «Vetnam televıdenıesi kýbogy» jarysynda soltústikkoreıalyqtardan 3:1 esebimen basym tústi
ALMATY. 18 shilde. QazAqparat - Voleıboldan áıelder arasynda Vın Phýk qalasynda ótip jatqan «Vetnam televıdenıesi kýbogy» halyqaralyq týrnırinde Qazaqstan quramasy sátti óner kórsetýde.
14 shildede bastalǵan bul baıraqty básekede Aleksandr Gýtor jetekshilik etetin qazaqstandyqtar «V» tobyndaǵy qarsylastarynan jeksenbi kúni taılandtyqtardy 3:0 (25-18, 26-24, 26-24), al keshe KHDR quramasyn 3:1 (25-16, 25-21, 17-25, 25-19) esebimen utty. Erteń endi toptyq kezeńdegi aqtyq oıynyn japon voleıbolshylarymen ótkizedi.
Japonııa quramasy buǵan deıin Taılandty 1:3 esebimen utqanymen (15-25, 23-25, 25-23, 18-25), soltústikkoreıalyqtarǵa dál osyndaı eseppen (27-25, 23-25, 25-22, 25-22) ese jibergen bolatyn. Senbi kúni aıaqtalatyn bul básekede «A» tobynda Vetnam, Avstralııa quramalary jáne Qytaıdyń «Jiangsu» men Ońtústik Koreıanyń «IBK» komandalary óner kórsetýde. Onda jarys qojaıyndary kósh bastap kele jatyr. Olar avstralııalyqtardy 3:0, al ońtústikkoreıalyqtardy 3:2 esebimen utqan bolatyn.
