Qazaqstandyq voleıbolshylar «Vetnam televıdenıesi kýbogy» týrnırin sátti bastady
ALMATY. 16 shilde. QazAqparat - Vetnam eliniń Vın Phýk qalasynda áıelder arasynda voleıboldan dástúrli «Vetnam televıdenıesi kýbogy» («The VTV-Eximbank International Cup 2012») týrnıri ótip jatyr.
Aleksandr Gýtor jattyqtyratyn Qazaqstan quramasy keshe toptyq kezeńdegi alǵashqy oıynda Taıland quramasyn (25-18, 26-24, 26-24) aıqyn basymdyqpen utty. Búgin olar KHDR, al erteń Japonııa sportshylarymen kúsh synasady. Keshe «B» tobynda óner kórsetip jatqan Qytaıdyń «Jiangsu» men Ońtústik Koreıanyń «IBK» komandalary arasyndaǵy oıyn 1:3 (17-25, 25-19, 23-25, 23-25) esebimen aıaqtaldy. Al jarys qojaıyndarynyń quramasy avstralııalyqtardy 3:0 (25-13, 25-13, 25-20) esebimen utty.
21 shildege deıin sozylatyn bul dúbirli dodanyń jartylaı fınaldyq oıyndary juma kúni ótedi. Onda óz tobynda úzdik shyqqandar ekinshi topta ekinshi oryn alǵan komandamen kezdesedi.
