Qazaqstandyq voleıbolshylar «Vetnam telearnasy kýbogy» týrnırinde múmkindikti qoldan shyǵaryp aldy
ALMATY. 20 shilde. QazAqparat - Qytaıdyń Vın Phýk qalasynda voleıboldan áıelder arasynda ótip jatqan «Vetnam telearnasy kýbogy» týrnıriniń búgin jartylaı fınaldyq oıyndary ótedi.
14 shilde kúni bastalǵan bul baıraqty básekede Aleksandr Gýtor jattyqtyratyn Qazaqstan quramasy «A» tobynda úshinshi oryn aldy. Olar toptyq synda taılandtyqtardy 3:0, al soltústikkoreıalyqtardy ( KHDR) 3:1 esebimen jeńgenimen, keshe japondyqtarǵa 0:3 esebimen ese jiberip, júldeli oryndarǵa talasý múmkindiginen aıyryldy.
Qazaqstandyqtar Japonııa men Taıland quramalarymen birdeı (6) upaı jınaǵanmen, oıyn partııalaryndaǵy dop aıyrmashylyǵy jaǵynan qarsylastaryna jol berip qoıdy. Búgin endi «A» tobynyń jeńimpazy bolǵan Vetnam quramasy «V» tobynda ekinshi oryn alǵan KHDR voleıbolshylarymen, al «V» tobynyń úzdigi bolǵan Japonııa quramasy «A» tobynda ekinshi oryn alǵan Ońtústik Koreıanyń «ІVK» komandasymen kezdesedi.
Bul saıystyń jeńimpazdary erteń aqtyq oıynda kýbok ıegerin anyqtasa, jeńilgenderi 3-orynǵa talasady.
