Qazaqstandyq voleıbolshylar «Vetnam telearnasy kýbogy» týrnırinde besinshi oryn aldy
ALMATY. 23 shilde. QazAqparat - Voleıboldan áıelder komandalar arasynda 14-21 shilde kúnderi Vetnam eliniń Vın Phýk qalasynda dástúrli «Vetnam telearnasy kýbogy» týrnıri ótti.
Aleksandr Gýtor jattyqtyratyn Qazaqstan quramasy onda 5-oryn aldy. Olar toptyq kezeńde KHDR men Taıland quramalaryn utqanymen, japondyqtardan utylǵan bolatyn. 5-8 oryn bolǵan synda Avstralııa voleıbolshylarynan basym túsip, 5-oryn úshin bolǵan saıysta taılandtyqtardy súrindirdi. Al aqtyq synda kezdesken Japonııa men KHDR sportshylary arasyndaǵy kezdesý 3:0 esebimen aıaqtaldy. Jarys qorytyndysy boıynsha Japonııa birinshi, KHDR ekinshi, Ońtústik Koreıanyń «ІVK» komandasy úshinshi, Vetnam tórtinshi, Qazaqstan besinshi, Taıland altynshy, Avstalııa jetinshi, al Qytaıdyń «Jiangsu» komandasy segizinshi oryn aldy.
