Qazaqstandyq voleıbolshylar Ortalyq aımaq elderi arasyndaǵy ІІІ Azııa chempıonatynda 3 oryn aldy
ALMATY. Qyrkúıektiń 21-sy. QazAqparat /Erlik Erjanuly/ - Úndistanda ótken erler voleıbol komandalarynyń Ortalyq aımaq elderi arasyndaǵy ІІІ Azııa chempıonatynyń jalaýy túsirildi,
dep habarlaıdy QazAqparat.
Qyrkúıektiń 17-si kúni Kalkýtta jalaýyn kótergen bul baıraqty báseke 3 kúnge sozyldy. Onda Gennadıı Parshın jattyqtyratyn Qazaqstan quramasy alǵashqy oıynda úndistandyqtarǵa ( 0:3) ese jibergen edi. Odan keıin Pákistan quramasymen bolǵan oıyndy 3:0 esebimen óz paıdasyna sheshti. Alaıda aqyrǵy saıysta Iran voleıbolshylarynyń osal tusyn taba almaı 0:3 (19:25, 20:25, 20:25) esebimen jeńilis tapty. Sonyń nátıjesinde chempıonattyń jalpy qorytyndysynda Iran sportshylary birinshi, jarys qojaıyndary ekinshi, Qazaqstan úshinshi, al Pákistan komandasy tórtinshi oryndy ıelendi.
