Qazaqstandyq voleıbolshylar Ortalyq aımaq elderi arasyndaǵy ІІІ Azııa chempıonatyna qatysýda
ALMATY. Qyrkúıektiń 20-sy. QazAqparat /Erlik Erjanuly/ - Búgin Úndistanda ótip jatqan erler komandalarynyń Ortalyq aımaq elderi arasyndaǵy ІІІ Azııa chempıonatynyń aqtyq oıyndary ótedi, dep habarlaıdy QazAqparat.
Qyrkúıektiń 17-si kúni Kalkýttada jalaýyn kótergen bul baıraqty báseke búgin márege jetedi. Onda Gennadıı Parshın jattyqtyratyn Qazaqstan quramasy alǵashqy oıynda úndistandyqtarǵa 0:3 (21:25, 16:25, 22:25) ese jiberdi. Al ekinshi kezdesýde Pákistan sportshylarynan 3:0 (25:11, 25:22, 25:23) esebimen basym tústi. Jalpy bul dúbirli dodaǵa alań qojaıyndarynan basqa, Qazaqstan, Iran jáne Pákistan quramasy qatysqan bolatyn.
