Qazaqstandyq voleıbolshylar qarymta qaıtardy
ASTANA. 5 qazan. QazAqparat - Voleıboldan Azııanyń jastar arasyndaǵy chempıonatynda Qazaqstan quramasy úzdik ondyqtyń quramyna kirý úshin kúresý múmkindigin aldy, dep habarlaıdy Vesti.kz.
Úsh partııada Túrkimenstan komandasyn 3:0 (25-17, 25-22, 25-19) esebimen jeńip, qazaqstandyq jastar komandasy toǵyzynshy-onynshy oryndarǵa talasatyn boldy. Oleg Kýznetsov jattyqtyratyn quramanyń qarsylasy ekinshi ret Shrı-Lanka quramasy bolyp otyr, olar Ózbekstan voleıbolshylaryn 3:2 esebimen utty.
Birinshi segizdikten jartylaı fınalǵa shyqqan komandalar (Iran, Qytaı, Japonııa jáne Úndistan) 2013 jylǵy álem birinshiliginde Azııa qurlyǵynyń atynan shyǵatyn boldy.
Aıta keteıik, HVI Azııa chempıonaty Iranda búgin bitedi, jarystyń sońǵy kúninde 4 qorytyndy match ótedi.
Jarys qortyndysy boıynsha:
1-4 oryndar: Iran, Qytaı, Japonııa, Úndistan;
5-8 oryndar: Taıland, Taıbeı, Koreıa, Avstralııa;
9-10 oryndar: Qazaqstan, Shrı-Lanka
11-12 oryndar: Ózbekstan, Túrkimenstan;
13-oryn: Aýǵanstan.
