Qazaqstandyq voleıbolshylar ІІ Eýrazııa oıyndarynyń qola júldesin jeńip aldy
ALMATY. Qyrkúıektiń 8-i. QazAqparat /Erlik Erjanuly/ - Qazaqstandyq voleıbolshy qyzdar men uldar Reseıde ótip jatqan ІІ Eýrazııa oıyndarynyń qola júldegerleri atandy,
dep habarlaıdy QazAqparat QR Voleıbol federatsııasyna silteme jasap.
Qazan qalasyndaǵy bul dúbirli dodaǵa Belarýs, Qazaqstan, Qyrǵyzstan, Reseı, Tájikstan jáne Ýkraınadan 6 komanda qatysyp jatyr. Onda 13 pen 17 jas aralyǵyndaǵy myńnan astam jasóspirimder sporttyń 14 túri boıynsha synǵa túsýde. Onda voleıboldan Qazaqstannyń Kúlenke Gýbashev jattyqtyratyn qyzdar men Grıgorıı Neklıýdov bapkerlik etetin uldar quramalary (1993-1994 jyldary týǵan) Eýrazııa oıyndarynyń qola júldegerleri atandy. Qyrkúıektiń 4-i kúni jalaýyn kótergen bul baıraqty báseke senbi kúni máresine jetedi.
