Qazaqstandyq voleıbolshylar Horvatııada oqý-jattyǵý jıyndaryn bastady
ALMATY. 10 shilde. QazAqparat - Búgin Qazaqstannyń voleıboldan áıelder arasyndaǵy ulttyq quramasy Horvatııanyń Zadar qalasynda oqý-jattyǵý jıynyn bastady.
Bas bapker Aleksandr Gýtor oǵan Taldyqorǵannyń «Jetisýynan» Lıýdmıla Anarbaeva, Olga Nasedkına, Korınna Ishımtseva, Marına Storojenko, Alena Omelchenko men Irına Shenbergerdi, «Almatydan» Elena Gordeeva, Lıýdmıla Isaeva, Tatıana Afanaseva men Irına Lýkomskaıany, «Astanadan» Sana Jarlaǵasovany jáne shetelde óner kórsetetin oıynshylardan Kıprden Tatıana Mýdrıtskaıany, Túrkııadan Alesıa Safronovany shaqyryp otyr.
Bul jıyn 30 shildege deıin sozylmaq. Odan keıin sportshylar 2-18 tamyz kúnderi Álemdik Gran-prı dodasyna, al 3-12 qyrkúıekte Qytaıda ne Japonııada ótetin 2014 jylǵy Álem chempıonatynyń 4 joldamasy sarapqa salynatyn jarysqa qatysady. Sondaı-aq 13 qyrkúıekte Taılanda jalaýy kóteriletin Azııa birinshiliginde baq synaıdy.
