Qazaqstandyq voleıbolshylar Azııa Kýboginiń bastapqy matchynda Qytaıdan jeńilip qaldy
ASTANA. QazAqparat - Voleıboldan Qazaqstannyń erler quramasy Taılandta ótip jatqan Azııa Kýboginiń birinshi oıynynda Qytaı komandasynan utylyp qaldy.
Sports.kz-tiń jazýynsha, birinshi jáne ekinshi sette qazaqstandyq voleıbolshylar sońyna deıin kúresti, alaıda 25:23 upaımen qarsylasyna ese jiberdi. Úshinshi kezeńde qytaılyq sportshylar alǵa shyǵyp, basymdyqty oıyn sońyna deıin saqtap qaldy. Esep - 25:20. Oıyn qorytyndysy 3:0 esebimen Qytaı paıdasyna sheshildi.
«A» tobyndaǵy ózge oıynda qytaılyq Taıpeı bes sette Taılandty jeńdi. 23 qyrkúıekte Qazaqstan quramasy qytaılyq Taıpeımen, al Qytaı Taılandpen básekelesedi. «V» tobynda Iran Avstralııany, al Ońtústik Koreıa Japonııany jeńdi.
