«Qazaqstandyq voleıbolshylar áıelder arasyndaǵy klýbtyq Azııa chempıonatynda malaızııalyqtardan basym tústi
ALMATY. 24 sáýir. QazAqparat - Búgin Taılandtyń Nakhonratchasıma qalasynda voleıboldan áıelder arasynda 13-klýbtyq Azııa chempıonatynyń toptyq kezeńiniń ekinshi kezdesýleri boldy.
Onda «V» tobynda óner kórsetip jatqan Qazaqstan chempıonatynyń jeńimpazy Malaızııanyń «Santa Barbara Polo & Racquet» komandasyn 3:0 eesebimen oısyrata utty.
El namysyn qorǵap jatqan Asqar Shalqybekov jattyqtyratyn Almaty oblysynyń «Jetisý» komandasy erteń endi Shrı-Lanka sportshylarymen kezdesedi. Buǵan deıin olar 21 sáýir kúni alǵashqy kezdesýde Qytaıdyń «Bridzstoum» komandasyna taı-breıkte 2:3 esebimen ese jibergen edi.
