Qazaqstandyq voleıbolshylar áıelder arasyndaǵy FIVB Álemdik Gran-Prıiniń aqtyq kezeńine shyǵa almady
ALMATY. 22 tamyz. QazAqparat /Erlik Erjanuly/ - 19-21 tamyz aralyǵynda voleıboldan áıelder arasynda Qytaıdyń Gonkong qalasynda «І» tobyndaǵy komandalardyń FIVB Álemdik Gran-Prıiniń 3-kezeńdik jarysy ótti.
Onda Baqytjan Baıtóreev jattyqtyratyn qazaqstandyqtar Polsha quramasyna 3:0 (25:20, 25:12, 25:20), Qytaı quramasyna 3:1 (25:16, 19:25, 25:20, 25:21), al Domınıkan quramasyna 2:3 (25:15, 25:27, 25:21, 15:25, 9:15) esebimen ese jiberdi. Endi álemniń úzdik 16 komandasy arasynda ótken FIVB Álemdik Gran-Prıiniń 24-28 tamyzda Qytaıdyń Makao qalasynda ótetin aqtyq kezeńi Brazılııa, AQSh, Reseı, Serbııa, Italııa, Japonııa, Taıland jáne Qytaı voleıbolshylary arasynda ótedi. Qazaqstan bul dúbirli dodada 2 upaımen 15-i orynǵa taban tiredi. Bul tizimdi Perý sportshylary túıindep tur.
Jalpy FIVB Álemdik Gran-Prıiniń Qytaıdyń Lýohe qalasynda 5-7 tamyzda ótken alǵashqy kezeńinde Qazaqstan «D» tobynda Qytaı, AQSh, Serbııa quramalarymen baq synap birde-bir upaıǵa qol jetkize almaǵan edi. Ekinshi kezeńde «F» tobyndaǵy komandalardyń 2-14 tamyzda Almatyda ótken synynda Italııa, Brazııalııa, Taıland quramalarymen synǵa túsip alǵashqy upaıyn ıelendi. Ony olar álemdik reıtıngte úzdik 4-tórttikke engen Italııa quramasymen (2:3) bolǵan oıynda alǵan edi. Endi ekinshi upaıyn 3-kezeńde domınıkandyqtardan (2:3) alyp otyr.
