Qazaqstandyq voleıbolshylar Álem chempıonatynyń qola júldegeri atandy
ALMATY. Qarashanyń 9-y. QazAqparat /Erlik Erjanuly/ - Qazaqstan quramasy keshe Iranda márege jetken jastar arasyndaǵy Álem chempıonatynda otyryp oınaıtyn voleıboldan (múgedekter sporty) úshinshi oryn aldy,
dep habarlaıdy QazAqparat Shtattyq ulttyq komandalar jáne sport rezervi dırektsııasynyń baspasóz qyzmetine silteme jasap.
Eki jylda bir ótetin bul dúbirli doda Meshhed qalasynda jalaýyn qarashanyń 2-de kótergen bolatyn. Oǵan 8 komanda qatysty. Bir aptaǵa sozylǵan jarysta alań qojaıyndary Álem chempıony boldy. Al Reseı men Qazaqstan quramalar kúmis jáne qola júldegerler atandy. Bul - Nuraly Qulyshov jattyqtyratyn qazaqstandyq voleıbolshylar qatysyp otyrǵan ekinshi Álem chempıonaty. Buǵan deıin 2007 jyly Brazılııada ótken dodada olar 6-shy orynǵa taban tiregen edi.
