Qazaqstandyq voleıbolshylar 2014 jyly Italııada áıelder arasynda ótetin Álem chempıonatyna qatysýy múmkin
ALMATY. 1 qazan. QazAqparat - Búgin Qytaıdyń Chenjoý qalasynda voleıboldan áıelder arasynda 2014 jylǵy Álem chempıonatynyń Azııalyq fınaldyq dárejelik raýndynyń aqtyq oıyndary ótip jatyr.
Onda qazaqstandyqtar úndistandyqtarmen, al jarys qojaıyndary ońtústikkoreıalyqtarmen kúsh synasady. Keshe qytaılyqtarǵa 0:3 bop utylyp qalǵanyna qaramastan, alǵashqy 2 oıynda Ońtústik Koreıa men Jańa Zelandııa quramalaryn 3:0 esebimen utqan Aeksandr Gýtor jattyqtyratyn el quramasy 2014 jyly Italııada ótetin Álem chempıonatynyń joldamasyn alýǵa kúsh salmaq.
Alǵashqy 2 kezdesýdiń qorytyndysy boıynsha múmkin bolǵan eń joǵarǵy 6 upaıdy tolyq óz qorjynyna salǵan Qazaqstan men Qytaı quramalary búgin ózara kúsh synasýda. Qazaqstandyqtar senbi kúni ońtústikkorıalyqtardy 3:1 (21:25, 25:22, 25:17, 25:14), jeksenbide jańazelandııalyqtardy 3:0 (25-12, 25-14, 25-7) esebimen utty. Al qytaılyqtar jumada úndistandyqtardy (7-25, 8-25, 10-25), senbide jańazelandııalyqtarly (25-4, 25-7, 25-7) 3:0 esebimen jeńgen bolatyn. Al 6 upaımen úshinshi orynda kele jatqan ońtústikkoreıalyqtardyń olardan bir oıyny artyq. Olar Úndistandy 3:0 (25-15, 25-19, 25-18), Jańa Zelandııa voleıbolshylaryn 3:0 (25:9, 25:8, 25:10) eebimen qapy qaldyrdy. Búgin jańazelandııalyqtardy 3:0 (25:18, 25:13, 25:15) esebimen jeńip, 3 upaıǵa ıe bolǵan úndistandyqtar tórtinshi orynǵa kóterildi.
Jalpy 1 qazanǵa deıin sozylatyn bul jarysta úzdik shyqqan 2 komanda Álem chempıonatynyń joldamasyn ıelenýge birtaban jaqyn tur. Qazir 3 kezdesýde 9 upaı jınaǵan qytaılyqtar birinshi, al qorjynynda 6 upaılary bar Ońtústik Koreıa men Qazaqstan 2-3 orynda kele jatyr. Odan keıingi oryndardy 3 upaıy bar Úndistan men qorjynynda birde-bir upaıy joq Jańa Zelandııa voleıbolshylary túıindep tur. Eger qazaqstandyqtar úndistandyqtardan basym túsetin bolsa, Álem chempıonatyna qatysýǵa múmkindik alady.
