Qazaqstandyq voleıbolshy jigitter Azııa oıyndaryndaǵy alǵashqy kezeńdi sátsiz bastady
ALMATY. 15 qarasha. QazAqparat /Erlik Erjanuly/ - Qytaıdyń Gýanchjoý qalasynda ótip jatqan XVI Azııa oıyndarynda Voleıboldan Qazaqstannyń erler quramasy alǵashqy oıynyn Úndistan quramasymen ótkizip, 1:3 esebimen utyldy.
Gennadıı Parshınniń shákirtteri alǵashqy taımda 26:24 esebimen alǵa shyqqan. Ekinshi taımda 25:23 esebimen úndistandyqtar esepti teńestirip ketti. Sondaı-aq oıynnyń qalǵan 2 bóliginde (25:18, 25:11) kórsetkishterin jaqsartyp, jalpy esepte 99:88 esebimen basym tústi.
Búgin endi Qazaqstan men Vetnam, Úndistan men Ońtústik Koreıa synǵa túsýde. Buǵan deıin koreıalyq voleıbolshylar vetnamdyq qurdastaryn 75:38 esebimen (25:12, 25:10, 25:16) jeńgen edi. Olar aqyrǵy oıynyn 17 qarasha kúni Qazaqstan quramasymen ótkizetin bolady. Erteń eki komanda da bir kúndik demalys alady.
