Qazaqstandyq voleıbolshy jigitter Azııa oıyndarynda 9-oryn aldy
ALMATY. 24 qarasha. QazAqparat /Erlik Erjanuly/ - Voleıboldan Qazaqstannyń erler quramasy Qytaıdyń Gýanchjoý qalasynda ótip jatqan XVI Azııa oıyndarynda 9-oryn aldy.
Jerlesterimiz 9-16 -oryndar úshin bolǵan oıyndarda Kýveıt (3:1), Mıanma (3:0), Taıpeı (3:2) jáne Pákistan (3:0) quramalarynan basym tústi. 13 qarasha kúni bastalǵan bul dodanyń júldeli oryndary 26 qarashada sarapqa salynady.
Jalpy Azııa oıyndaryna bıyl qurlyqtyń 18 memleketinen komandalar qatysqan bolatyn. Gennadıı Parshınniń tálimgerleri alǵashqy kezeńde Ońtústik Koreıa, Vetnam men Úndistan quramalarymen birge "B" tobynda óner kórsetti. Qytaı, Taıpeı, Taıland, Pákistan - "A" tobynda, Saýd Aravııasy, Iran, Indonezııa, Túrikmenstan, Mońǵolııa - "S" tobynda, al Katar, Japonııa, Mıanma, Kýveıt jáne Gonkong "D" tobynda óner kórsetti.
