Qazaqstandyq voleıbolshy jigitter Azııa chempıonatynyń 1/8 fınalyna shyqty
ALMATY. 30 qyrkúıek. QazAqparat - Birikken Arab Ámirligi eliniń Dýbaı qalasynda voleıboldan erler arasynda HVII Azııa chempıonaty ótip jatyr.
Búgin toptyq syndaǵy aqyrǵy oıynda Kýveıt quramasyn 3:0 (25:23 25:15 25:17) esebimen utqan qazaqstandyqtar «S» tobynda 2-oryn alyp, 1/8 fınalǵa shyqty. Senbi kúni olar 2011 jyly óz elinde ótken sońǵy Azııa chempıonatynyń jeńimpazy atanǵan ırandyqtarǵa 0:3 esebmen jeńilgen bolatyn. Dál osyndaı eseppen keshe kýveıttikterdi qapy qaldyrǵan ırandyqtar múmkin bolǵan 6 upaımen top jeńimpazy atandy. Endi 1-2 qazan kúnderi ótetin 1/8 fınalyq synda qazaqstandyqtar «F» tobynda joǵary nátıje kórsetken Ońtústik Koreıa men Irak voleıbolshylarymen kúsh synasady.Jalpy Azııa chempıonatyndaońtústikkoreıalyqtar 1989, 1993, 2001, 2003 jyldary 4 ret jeńimpaz atanǵan bolatyn. Qazaqstandyqtar olarmen 1993 jyly aqtyq synda kezdesip, kúmis júldeger bolǵan edi.
