Qazaqstandyq voleıbolshy qyzdar "Vetnam televıdenıesi kýbogy" halyqaralyq týrnırine qatysýda
ALMATY. 14 shilde. QazAqparat /Erlik Erjanuly/ - Dak Lak qalasynda voleıboldan áıelder komandalary arasynda "Vetnam televıdenıesi kýbogy" halyqaralyq týrnıri ótip jatyr.
Shildeniń 9-y kúni bastalǵan bul jarysqa 8 elden 9 komanda qatysýda. Onda Nellı Şerbakova jattyqtyratyn Qazaqstannyń jastar quramasy "A" tobynda, al Japonııa, Ońtústik Koreıa, Qytaı, Taıland jáne Vetnam-2 komandalary "V" tobynda óner kórsetti. Qazaqstandyqtar toptyq kezeńdegi alǵashqy 2 oıynda Soltústik Koreıa (25:8, 25:10,25:18) men Vetnam-1 (25:16, 25:11,25:15) komandalaryna 3:0 esebimen ese jibergen edi. Keshe sońǵy kezdesýde Avstralııa voleıbolshylaryn (21:25, 25:23, 25:17, 25:22) 3:1 esebimen utty. Búgin barlyq komandalar tynyǵyp jatyr. Endi 15-16 shilde kúnderi olar júldeli oryndardy ózara sarapqa salatyn bolady.
