Qazaqstandyq voleıbolshy qyzdar «Vetnam telarnasy kýbogy» týrnırinde Taıland quramasynan basym tústi
ALMATY. 16 shilde. QazAqparat - Voleıboldan Nınbın qalasynda ótip jatqan «Vetnam telearnasy kýbogy» halyqaralyq týrnırinde Qazaqstan-2 quramasy alǵashqy jeńisine qol jetkizdi.
Olar keshe Taılandtyń 20 jasqa deıingi jastar quramasyn 3:1 (25:21, 15:25, 25:16, 25:19) esebimen utyp, alǵashqy 3 upaıǵa ıe boldy. Búgin olar Avstralııa, al erteń Vetnam quramalarymen kezdesedi.
Lıýdmıla Perevertova jattyqtyratyn qazaqstandyqtar buǵan deıin Qytaıdyń «Jiangsu» men «Shandong» klýbtaryna 0:3 esebimen oısyraı utylyp, týrnır kestesinde kósh sońynda qalyp qoıǵan bolatyn. Olardyń búgingi qarsylasy buǵan deıingi kezdesýlerinde «Jiangsu» klýby men Vetnam quramasyna 0:3, Taıland quramasyna 1:3 bolyp utylǵan edi. Al vetnamdyqtar qytaılyq qos klýbtan 2:3 esebimen jeńilip, avstralııalyqtardan basym tústi. Qazir týrnır kestesinde 8 upaımen «Jiangsu» birinshi, 7 upaımen «Shandong» ekinshi, 6 upaımen Vetnam úshinshi orynda tur. Taıland pen Qazaqstan-2 quramalary 3 upaımen 4-5 oryndardy bólisýde.
