Qazaqstandyq voleıbolshy qyzdar Azııa chempıonatynyń shırek fınalynda koreıalyqtarǵa ese jiberdi
ALMATY. 19 qyrkúıek. QazAqparat - Voleıboldan Taıland elindegi Nakhonratchasımada ótip jatqan áıelder arasyndaǵy HVII Azııa chempıonatynda Aleksandr Gýtor jattyqtyratyn Qazaqstan quramasy búgin shırek fınalda Ońtústik Koreıa sportshylarynan 0:3 (12:25 23:25 20:25) esebimen jeńilis tapty.
Al 1/8 fınaldyq synda Qazaqstan quramasynan 3:1 esebimen basym túsken japondyqtar ırandyqtardy 3:0 esebimen oısyrata utty. Búgin sondaı-aq, avstralııalyqtar fılıpındikterdi, mońǵolııalyqtar mıanmalyqtardy gonkongtyqtar shrı-lankalyqtardy, taılandtyqtar taıbeılikterdi dál osyndaı eseppen jeńdi.
21 qyrkúıekke deıin sozylatyn bul dodada qazaqstandyqtardyń ótken jylǵy kórsetkishin jaqsartýǵa múmkindigi bar. Atap aıtqanda, byltyr 9-oryndy qanaǵat tutqan olar,bıyl aldaǵy synda 4-8-oryndarǵa talasatyn bolady.
